|
Fyrirtækið >
Upphaf Lögmanna Suðurlandi má rekja aftur til ársins 1990. Í upphafi var eingöngu um rekstur lögfræðistofu að ræða en í maí 1991 hófst rekstur fasteignasölu samhliða rekstri lögfræðistofunnar. Starfsemin var á þessum tíma til húsa að Austurvegi 38 Selfossi, fyrst einungis í einu skrifstofuherbergi á efstu hæð hússins, og einungis með einu og hálfu stöðugildi. Samhliða opnun fasteignasölunnar var starfsemin flutt á miðhæð sama húss í talsvert rýmra húsnæði og við það fjölgaði starfsmönnum úr tveimur í fjóra. Í ársbyrjun 1993 var starfsemi Lögmanna Suðurlandi flutt að Austurvegi 3 á Selfossi og fjölgaði starfsmönnum í samræmi við aukin verkefni. Þessi fyrstu ár félagsins var starfsemin í leiguhúsnæði en það var svo árið 1995 að Lögmenn Suðurlandi eignuðust eigið húsnæði að Austurvegi 3 þar sem starfsemin er enn til húsa. Í dag eru starfsmenn Lögmanna Suðurlandi 10 talsins.
Lögmenn Suðurlandi hafa starfrækt Innheimtuþjónustu, sem rekin er undir nafninu Sjóður innheimtuþjónusta. Lögmenn Suðurlandi þjónusta ýmis fyrirtæki og einstaklinga. Meðal viðskiptavina okkar eru Landsbanki Íslands, Sparisjóður Suðurlands, Íbúðalánasjóður, Atvinnuþróunarsjóður Suðurlands, Kjörís hf., Sveitarfélagið Árborg, Sveitarfélagið Ölfus, Grímsnes- og Grafningshreppur, Bláskógabyggð, Hrunamannahreppur, Skeiða- og Gnúpverjahreppur, Rangárþing eystra og Eignarhaldsfélag Suðurlands. Almennar upplýsingar um fyrirtækið Nafn: Lögmenn Suðurlandi ehf. Eigendur: Lögmenn Suðurlandi ehf. er einkahlutafélag og er skráð sem slíkt hjá hlutafélagaskrá. Lögmenn Suðurlandi ehf. er í Félagi fasteignasala. Helstu lög og reglur um lögmenn Lögmannalög nr. 77/1998 Helstu lög og reglur um fasteigna- fyrirtækja- og skipasala Lög um fasteigna-, fyrirtækja- og skipasölu |
